తెలంగాణ ముఖ్యమంత్రి రేవంత్ రెడ్డి, ప్రతి పేదవాడి బిడ్డ ఉన్నత విద్యను పొందాలనే దృక్పథంతో వైఎస్సార్ ఫీజు రీయింబర్స్మెంట్ పథకాన్ని తీసుకువచ్చారని గుర్తు చేశారు.
జూలై 13 (శనివారం) జేఎన్‌టీయూలో నాణ్యమైన ఇంజనీరింగ్ విద్యపై ఇంటరాక్షన్ కార్యక్రమంలో పాల్గొన్న సీఎం రేవంత్ రెడ్డి, "ప్రభుత్వ విధానాలను వివరించడానికి ఈ కార్యక్రమాన్ని నిర్వహించాము. ప్రతి పేదవాడి బిడ్డ గొప్పగా చదవాలని వైఎస్సార్ ఫీజు రీయింబర్స్మెంట్ పథకాన్ని ప్రారంభించారు," అని అన్నారు.
తెలంగాణ ఫీజు రీయింబర్స్మెంట్
వివిధ పరిస్థితుల వల్ల ప్రాధాన్యతలు మారడంతో ఫీజు రీయింబర్స్మెంట్ బకాయిలు పెరిగాయి. పాత బకాయిలను ఎలా పరిష్కరించాలో తెలుసుకోవడానికి మంత్రి శ్రీధర్ బాబుకు బాధ్యత అప్పగిస్తున్నాము. ఈ విద్యాసంవత్సరం నుంచి ఫీజు రీయింబర్స్మెంట్ సకాలంలో చెల్లించేందుకు ప్రయత్నిస్తాము. ఫీజు రీయింబర్స్మెంట్ పై ఎలాంటి అనుమానాలు అక్కర్లేదు. మా ప్రభుత్వం ఈ విషయంలో సమగ్ర వ్యూహంతో ముందుకు సాగుతుంది.
ఇంజనీరింగ్ కాలేజీలపై ప్రత్యేక దృష్టి
దేశంలో మరియు ప్రపంచంలో ఉన్న గొప్ప నిర్మాణాలన్నీ ఇంజనీర్లు సృష్టించినవే. ఇంజనీరింగ్ కాలేజీలు నిరుద్యోగులను తయారు చేసే కర్మాగారాలుగా మారకూడదు. ఉపాధి అవకాశాలు కల్పిస్తూ దేశ భవిష్యత్తును నిర్మించేలా ఉండాలి. అందుకు కావాల్సిన సాయాన్ని మా ప్రభుత్వం అందించేందుకు సిద్ధంగా ఉంది. ఇంజనీరింగ్ సంస్థలు కేవలం ఉద్యోగాలను సృష్టించే సంస్థలుగానే కాకుండా దేశానికి మేధావులను అందించే సంస్థలుగా ఉండాలి.
నిరుద్యోగుల కోసం
ఇంజనీరింగ్‌లో కేవలం కంప్యూటర్ సైన్స్ మాత్రమే కాకుండా, సివిల్, మెకానికల్ ఇంజనీరింగ్ వంటి అన్ని కోర్సులను ప్రోత్సహించాలి. స్కిల్ డెవలప్‌మెంట్‌లో భాగంగా టాటాతో భాగస్వామ్యంతో రూ.2400 కోట్లతో ప్రభుత్వం ఐటీఐలను మారుస్తోంది. ఫార్మా, ఐటీ తరువాత ఆర్టిఫిషియల్ ఇంటెలిజెన్స్ ప్రపంచాన్ని నడిపించబోతోంది. యువత కోసం త్వరలో స్కిల్ డెవలప్‌మెంట్ యూనివర్సిటీని ఏర్పాటు చేస్తున్నాం. ప్రపంచంతో పోటీ పడేలా తెలంగాణ రాష్ట్రాన్ని తీర్చిదిద్దుతాము. మా ప్రభుత్వానికి ఎలాంటి మొహమాటాలు లేవు. నిరుద్యోగులకు మేలు చేసేలా ప్రభుత్వ నిర్ణయాలు ఉంటాయి."
Telangana Job Calendar 2024
ప్రభుత్వం నోటిఫికేషన్ల ప్రకారమే పరీక్షలు నిర్వహిస్తోంది. పదేళ్లు ఉద్యోగాల భర్తీ కోసం నిరుద్యోగ యువత పోరాడింది. కానీ, ఇప్పుడు కొన్ని రాజకీయ శక్తులు, కొన్ని కోచింగ్ సెంటర్ల నిర్వాహకులు పరీక్షల వాయిదా కోసం ఆందోళనలు చేస్తున్నారు. త్వరలోనే జాబ్ క్యాలెండర్ తీసుకురాబోతున్నాం. యూపీఎస్సీ తరహాలో ప్రతీ ఏటా క్యాలెండర్ ప్రకారం ఉద్యోగాలు భర్తీ చేస్తాము. విద్యాసంస్థలు రాజకీయ పునరావాస కేంద్రాలుగా మారకూడదు అనేది మా ప్రభుత్వ విధానం. మేం అధికారంలోకి వచ్చిన మొదటి 30 రోజుల్లోనే 30,000 ఉద్యోగాలు భర్తీ చేశాం. ఆర్థిక భారాలు మరియు ఇతర సమస్యలు ఉన్నా, ఒక్కొక్కటి పరిష్కరించుకుంటూ మా ప్రభుత్వం ముందుకు వెళుతోంది, అని సీఎం రేవంత్ రెడ్డి తెలిపారు.
Tags - ఫీజు రీయింబర్స్మెంట్, telangana cm revanth reddy Fee Reimbursement 2024, telangana cm revanth reddy announcement job calendar 2024, cm revanth reddy announcement job calendar 2024, fee reimbursement 2024 scheme telangana, cm revanth reddy job calendar announcement 2024, Telangana Fee Reimbursement scheme funds Released and Job Calendar 2024 News Telugu
.png)
